| וזואת . תורת . האשם . קודש . קדשים . הוא | 1 |
| בימקום . אשר . ישחטו . את . העולה . ישחטו . את . האשם . ואת . דמו . יזרוק . על . המיזבח . סביב | 2 |
| ואת . כל . חלבו . יקריב . מימנו . את . האליה . ואת . החלב . המכסה . את . הקרב | 3 |
| ואת . שתי . הכליות . ואת . החלב . אשר . עליהן . אשר . על . הכסלים . ואת . היותרת . על . הכבד . על . הכליות . יסירנה | 4 |
| והיקטיר . אותם . הכוהן . המיזבחה . אישה . ליהוה . אשם . הוא | 5 |
| כל . זכר . בכוהנים . יואכלנו . במקום . קדוש . יאכל . קודש . קדשים . הוא | 6 |
| כחטאת . כאשם . תורה . אחת . להם . הכוהן . אשר . יכפר . בו . לו . יהיה | 7 |
| והכוהן . המקריב . את . עולת . איש . עור . העולה . אשר . היקריב . לכוהן . לו . יהיה | 8 |
| וכל . מינחה . אשר . תאפה . בתנור . וכל . נעסה . במרחשת . ועל . מחבת . לכוהן . המקריב . אותה . לו . תיהיה | 9 |
| וכל . מינחה . בלולה . בשמן . וחרבה . לכל . בני . אהרון . תיהיה . איש . כאחיו | 10 |
| וזואת . תורת . זבח . השלמים . אשר . יקריב . ליהוה | 11 |
| אים . על . תודה . יקריבנו . והיקריב . על . זבח . התודה . חלות . מצות . בלולות . בשמן . ורקיקי . מצות . משוחים . בשמן . וסולת . מורבכת . חלות . בלולות . בשמן | 12 |
| על . חלות . לחם . חמץ . יקריב . קרבנו . על . זבח . תודת . שלמיו | 13 |
| והיקריב . מימנו . אחד . מיכל . קרבן . תרומה . ליהוה . לכוהן . הזורק . את . דם . השלמים . לו . יהיה | 14 |
| ובסר . זבח . תודת . שלמיו . ביום . קרבנו . יאכל . לוא . יניח . מימנו . עד . בוקר | 15 |
| ואים . נדר . או . נדבה . זבח . קרבנו . ביום . הקריבו . את . זיבחו . יאכל . ומימחרת . והנותר . מימנו . יאכל | 16 |
| והנותר . מיבסר . הזבח . ביום . השלישי . באש . ייסר | 17 |
| ואים . האכול . יאכל . מיבסר . זבח . שלמיו . ביום . השלישי . לוא . ירצה . המקריב . אותו . לוא . יחשב . לו . פיגול . יהיה . והנפש . האוכלת . מימנו . עוֹנה . תיסא | 18 |
| והבסר . אשר . יגע . בכל . טמא . לוא . יאכל . באש . יסרף . והבסר . כל . טהור . יואכל . בסר | 19 |
| והנפש . אשר . תואכל . בסר . מיזבח . השלמים . אשר . ליהוה . וטומאתו . עליו . וניכרתה . הנפש . ההיוא . מעמיה | 20 |
| ונפש . כי . תיגע . בכל . טמא . בטומאת . אדם . או . ביבהמה . טמאה . או . בכל . שקץ . טמא . ואכל . מיבסר . זבח . השלמים . אשר . ליהוה . וניכרתה . הנפש . ההיוא . מעמיה | 21 |
| וידבר . יהוה . אל . מושה . לאמור | 22 |
| דבר . אל . בני . יסראל . לאמור . כל . חלב . שור . וכסב . ועז . לוא . תואכלו | 23 |
| וחלב . נבלה . וחלב . טרפה . יעסה . לכל . מלאכה . ואכול . לוא . תואכלוהו | 24 |
| כי . כל . אוכל . חלב . מין . הבהמה . אשר . יקריב . מימנה . אישה . ליהוה . וניכרתה . הנפש . האוכלת . מעמיה | 25 |
| וכל . דם . לוא . תואכלו . בכול . מושבותיכם . לעוף . ולבהמה | 26 |
| כל . נפש . אשר . תואכל . כל . דם . וניכרתה . הנפש . ההיוא . מעמיה | 27 |
| וידבר . יהוה . אל . מושה . לאמור | 28 |
| דבר . אל . בני . יסראל . לאמור . המקריב . את . זבח . שלמיו . ליהוה . יביא . את . קרבנו . ליהוה . מיזבח . שלמיו | 29 |
| ידיו . תביאינה . את . אישי . יהוה . את . החלב . על . החזה . יביאנו . את . החזה . להניף . אותו . תנופה . ליפני . יהוה | 30 |
| והיקטיר . הכוהן . את . החלב . המיזבחה . והיה . החזה . לאהרון . ולבניו | 31 |
| ואת . שוק . הימין . תיתנו . תרומה . לכוהן . מיזיבחי . שלמיכם | 32 |
| המקריב . את . דם . השלמים . ואת . החלב . מיבני . אהרון . לו . תיהיה . שוק . הימין . למנה | 33 |
| כי . את . חזה . התנופה . ואת . שוק . התרומה . לקחתי . מאת . בני . יסראל . מיזיבחי . שלמיהם . ואתן . אותם . לאהרון . הכוהן . ולבניו . לחק . עולם . מאת . בני . יסראל | 34 |
| זואת . מישחת . אהרון . ומישחת . בניו . מאישי . יהוה . ביום . היקריב . אותם . לכהן . ליהוה | 35 |
| אשר . ציוה . יהוה . לתת . להם . ביום . משחו . אותם . מאת . בני . יסראל . חוקת . עולם . לדורותם | 36 |
| זואת . התורה . לעולה . למינחה . ולחטאת . ולאשם . ולמילואים . ולזבח . השלמים | 37 |
| אשר . ציוה . יהוה . את . מושה . בהר . סיני . ביום . צוֹתו . את . בני . יסראל . להקריב . את . קרבניהם . ליהוה . במידבר . סיני | 38 |
