| ויהיו . חיי . סרה . מאה . שנה . ועסרים . שנה . ושבע . שנים . שני . חיי . סרה | 1 |
| ותמת . סרה . בקירית . ארבע . היוא . חברון . בארץ . כנען . ויבוא . אברהם . ליספוד . לסרה . וליבכותה | 2 |
| ויקם . אברהם . מעל . פני . מתו . וידבר . אל . בני . חת . לאמור | 3 |
| גר . ותושב . אנוכי . עיםכם . תנו . לי . אחוזת . קבר . עיםכם . ואקברה . מתי . מילפני | 4 |
| ויענו . בני . חת . את . אברהם . לאמור . לו | 5 |
| שמענו . אדוני . נסיא . אלוהים . אתה . בתוכנו . במיבחר . קברינו . קבור . את . מתכה . איש . מימנו . את . קיברו . לוא . יכלה . מימכה . מיקבור . מתכה | 6 |
| ויקם . אברהם . וישתחו . לעם . הארץ . ליבני . חת | 7 |
| וידבר . איתם . לאמור . אים . יש . את . נפשכם . ליקבור . את . מתי . מילפני . שמעוני . ופיגעו . לי . בעפרון . בן . צוחר | 8 |
| וייתן . לי . את . מערת . המכפלה . אשר . לו . אשר . ביקצה . סדהו . בכסף . מלא . יתננה . לי . בתוככם . לאחוזת . קבר | 9 |
| ועפרון . יושב . בתוך . בני . חת . ויען . עפרון . החיתי . את . אברהם . באזני . בני . חת . לכול . באי . שער . עירו . לאמור | 10 |
| לוא . אדוני . שמעני . הסדה . נתתי . לך . והמערה . אשר . בו . לכה . נתתיה . לעיני . בני . עמי . נתתיה . לך . קבור . מתכה | 11 |
| וישתחו . אברהם . ליפני . עם . הארץ | 12 |
| וידבר . אל . עפרון . באזני . עם . הארץ . לאמור . אך . אים . אתה . לו . שמעני . נתתי . כסף . הסדה . קח . מימני . ואקברה . את . מתי . שמה | 13 |
| ויען . עפרון . את . אברהם . לאמור . לו | 14 |
| אדוני . שמעני . ארץ . ארבע . מאות . שקל . כסף . ביני . ובינכה . מה . היוא . ואת . מתכה . קבור | 15 |
| וישמע . אברהם . אל . עפרון . וישקול . אברהם . לעפרון . את . הכסף . אשר . דיבר . באזני . בני . חת . ארבע . מאות . שקל . כסף . עובר . לסוחר | 16 |
| ויקם . סדה . עפרון . אשר . במכפלה . אשר . ליפני . ממרא . הסדה . והמערה . אשר . בו . וכל . העץ . אשר . בסדה . אשר . בכל . גבולו . סביב | 17 |
| לאברהם . למיקנה . לעיני . בני . חת . בכול . באי . שער . עירו | 18 |
| ואחרי . כן . קבר . אברהם . את . סרה . אישתו . אל . מערת . סדה . המכפלה . על . פני . ממרא . היוא . חברון . בארץ . כנען | 19 |
| ויקם . הסדה . והמערה . אשר . בו . לאברהם . לאחוזת . קבר . מאת . בני . חת | 20 |
