| וסרי . אשת . אברם . לוא . ילדה . לו . ולה . שיפחה . מיצרית . ושמה . הגר | 1 |
| ותואמר . סרי . אל . אברם . הינה . נא . עצרני . יהוה . מילדת . בוא . נא . אל . שיפחתי . אולי . איבנה . מימנה . וישמע . אברם . לקול . סרי | 2 |
| ותיקח . סרי . אשת . אברם . את . הגר . המיצרית . שיפחתה . מיקץ . עסר . שנים . לשבת . אברם . בארץ . כנען . ותיתן . אותה . לאברם . אישה . לו . לאישה | 3 |
| ויבוא . אל . הגר . ותהר . ותרא . כי . הרתה . ותקל . גבירתה . בעיניה | 4 |
| ותואמר . סרי . אל . אברם . חמסי . עליכה . אנוכי . נתתי . שיפחתי . בחיקכה . ותרא . כי . הרתה . ואקל . בעיניה . ישפוט . יהוה . ביני . וביניכה | 5 |
| ויואמר . אברם . אל . סרי . הינה . שיפחתך . בידך . עסי . לה . הטוב . בעינייך . ותענה . סרי . ותיברח . מיפניה | 6 |
| וימצאה . מלאך . יהוה . על . עין . המיים . במידבר . על . העיין . בדרך . שור | 7 |
| ויואמר . הגר . שיפחת . סרי . אי . מיזה . באת . ואנה . תלכי . ותואמר . מיפני . סרי . גבירתי . אנוכי . בורחת | 8 |
| ויואמר . לה . מלאך . יהוה . שובי . אל . גבירתך . והיתעני . תחת . ידיה | 9 |
| ויואמר . לה . מלאך . יהוה . הרבה . ארבה . את . זרעך . ולוא . יספר . מרוב | 10 |
| ויואמר . לה . מלאך . יהוה . הינך . הרה . ויולדת . בן . וקראת . שמו . ישמעאל . כי . שמע . יהוה . אל . עניך | 11 |
| והוא . יהיה . פרא . אדם . ידו . בכול . ויד . כול . בו . ועל . פני . כל . אחיו . ישכון | 12 |
| ותיקרא . שם . יהוה . הדובר . אליה . אתה . אל . ראי . כי . אמרה . הגם . הלום . ראיתי . אחרי . רואי | 13 |
| על . כן . קרא . לבאר . באר . לחי . רואי . הינה . בין . קדש . ובין . ברד | 14 |
| ותלד . הגר . לאברם . בן . ויקרא . אברם . שם . בנו . אשר . ילדה . הגר . ישמעאל | 15 |
| ואברם . בן . שמונים . שנה . ושש . שנים . בלדת . הגר . את . ישמעאל . לאברם | 16 |
