| ויסע . יסראל . וכל . אשר . לו . ויבוא . בארה . שבע . ויזבח . זבחים . לאלוהי . אביו . יצחק | 1 |
| ויואמר . אלוהים . ליסראל . במראות . הלילה . ויואמר . יעקוב . יעקוב . ויואמר . הינני | 2 |
| ויואמר . אנוכי . האל . אלוהי . אביכה . אל . תירא . מרדה . מיצרימה . כי . לגוי . גדול . אסימכה . שם | 3 |
| אנוכי . ארד . עימכה . מיצרימה . ואנוכי . אעלכה . גם . עלוה . ויוסף . ישית . ידו . על . עיניכה | 4 |
| ויקם . יעקוב . מיבאר . שבע . ויסאו . בני . יסראל . את . יעקוב . אביהם . ואת . טפם . ואת . נשיהם . בעגלות . אשר . שלח . פרעוה . לסאת . אותו | 5 |
| ויקחו . את . מיקניהם . ואת . רכושם . אשר . רכשו . בארץ . כנען . ויבואו . מיצרימה . יעקוב . וכל . זרעו . איתו | 6 |
| בניו . ובני . בניו . איתו . בנותיו . ובנות . בניו . וכל . זרעו . הביא . איתו . מיצרימה | 7 |
| ואלה . שמות . בני . יסראל . הבאים . מיצרימה . יעקוב . ובניו . בכור . יעקוב . ראובן | 8 |
| ובני . ראובן . חנוך . ופלוא . וחצרון . וכרמי | 9 |
| ובני . שימעון . ימואל . וימין . ואוהד . ויכין . וצוחר . ושאול . בן . הכנענית | 10 |
| ובני . לוי . גרשון . קהת . ומררי | 11 |
| ובני . יהודה . ער . ואוןן . ושלה . ופרץ . וזרח . וימת . ער . ואוןן . בארץ . כנען . ויהיו . בני . פרץ . חצרון . וחמול | 12 |
| ובני . יסשכר . תולע . ופווה . ויוב . ושימרון | 13 |
| ובני . זבולון . סרד . ואלון . ויחלאל | 14 |
| אלה . בני . לאה . אשר . ילדה . ליעקוב . בפדן . ארם . ואת . דינה . ביתו . כל . נפש . בניו . ובנותיו . שלושים . ושלוש | 15 |
| ובני . גד . ציפיון . וחגי . שוני . ואצבון . ערי . וארודי . ואראלי | 16 |
| ובני . אשר . ימנה . ויישוה . ויישוי . ובריעה . וסרח . אחותם . ובני . בריעה . חבר . ומלכיאל | 17 |
| אלה . בני . זילפה . אשר . נתן . לבן . ללאה . ביתו . ותלד . את . אלה . ליעקוב . שש . עסרה . נפש | 18 |
| בני . רחל . אשת . יעקוב . יוסף . ובינימין | 19 |
| ויולד . ליוסף . בארץ . מיצריים . אשר . ילדה . לו . אסנת . בת . פוטי . פרע . כוהן . און . את . מנשה . ואת . אפריים | 20 |
| ובני . בינימין . בלע . ובכר . ואשבל . גרא . ונעמן . אחי . ורואש . מופים . וחופים . וארד | 21 |
| אלה . בני . רחל . אשר . יולד . ליעקוב . כל . נפש . ארבעה . עסר | 22 |
| ובני . דן . חושים | 23 |
| ובני . נפתלי . יחצאל . וגוני . ויצר . ושילם | 24 |
| אלה . בני . בילהה . אשר . נתן . לבן . לרחל . ביתו . ותלד . את . אלה . ליעקוב . כל . נפש . שיבעה | 25 |
| כל . הנפש . הבאה . ליעקוב . מיצרימה . יוצאי . ירכו . מילבד . נשי . בני . יעקוב . כל . נפש . שישים . ושש | 26 |
| ובני . יוסף . אשר . יולד . לו . במיצריים . נפש . שניים . כל . הנפש . לבית . יעקוב . הבאה . מיצרימה . שיבעים | 27 |
| ואת . יהודה . שלח . לפניו . אל . יוסף . להורות . לפניו . גושנה . ויבואו . ארצה . גושן | 28 |
| ויאסור . יוסף . מרכבתו . ויעל . ליקראת . יסראל . אביו . גושנה . וירא . אליו . ויפול . על . צואריו . ויבך . על . צואריו . עוד | 29 |
| ויואמר . יסראל . אל . יוסף . אמותה . הפעם . אחרי . ראותי . את . פניכה . כי . עודכה . חי | 30 |
| ויואמר . יוסף . אל . אחיו . ואל . בית . אביו . אעלה . ואגידה . לפרעוה . ואומרה . אליו . אחי . ובית . אבי . אשר . בארץ . כנען . באו . אלי | 31 |
| והאנשים . רועי . צואן . כי . אנשי . מיקנה . היו . וצואנם . ובקרם . וכל . אשר . להם . הביאו | 32 |
| והיה . כי . יקרא . לכם . פרעוה . ואמר . מה . מעסיכם | 33 |
| ואמרתם . אנשי . מיקנה . היו . עבדיכה . מינעורינו . ועד . עתה . גם . אנחנו . גם . אבותינו . בעבור . תשבו . בארץ . גושן . כי . תועבת . מיצריים . כל . רועה . צואן | 34 |
