| ויהי . רעב . בארץ . מילבד . הרעב . הריאשון . אשר . היה . בימי . אברהם . וילך . יצחק . אל . אבימלך . מלך . פלישתים . גררה | 1 |
| וירא . אליו . יהוה . ויואמר . אל . תרד . מיצרימה . שכון . בארץ . אשר . אומר . אליכה | 2 |
| גור . בארץ . הזואת . ואהיה . עימכה . ואברךכה . כי . לכה . ולזרעכה . אתן . את . כל . הארצות . האל . והקימותי . את . השבועה . אשר . נישבעתי . לאברהם . אביכה | 3 |
| והירביתי . את . זרעכה . ככוכבי . השמיים . ונתתי . לזרעכה . את . כל . הארצות . האל . והיתברכו . בזרעכה . כול . גויי . הארץ | 4 |
| עקב . אשר . שמע . אברהם . בקולי . וישמור . מישמרתי . מיצוֹתי . חוקותי . ותורותי | 5 |
| וישב . יצחק . ביגרר | 6 |
| וישאלו . אנשי . המקום . לאישתו . ויואמר . אחותי . היוא . כי . ירא . לאמור . אישתי . פן . יהרגוני . אנשי . המקום . על . ריבקה . כי . טובת . מראה . היא | 7 |
| ויהי . כי . ארכו . לו . שם . הימים . וישקף . אבימלך . מלך . פלישתים . בעד . החלון . וירא . והינה . יצחק . מצחק . את . ריבקה . אישתו | 8 |
| ויקרא . אבימלך . לייצחק . ויואמר . אך . הינה . אישתכה . היוא . ואיך . אמרת . אחותי . היוא . ויואמר . אליו . יצחק . כי . אמרתי . פן . אמות . עליה | 9 |
| ויואמר . אבימלך . מה . זואת . עסית . לנו . כימעט . שכב . אחד . העם . את . אישתכה . והבאת . עלינו . אשם | 10 |
| ויצו . אבימלך . את . כל . העם . לאמור . הנוגע . באיש . הזה . ובאישתו . מות . יומת | 11 |
| ויזרע . יצחק . בארץ . ההיוא . וימצא . בשנה . ההיוא . מאה . שערים . ויברכהו . יהוה | 12 |
| ויגדל . האיש . וילך . הלוך . וגדל . עד . כי . גדל . מאוד | 13 |
| ויהי . לו . מיקנה . צואן . ומיקנה . בקר . ועבודה . רבה . ויקנאו . אותו . פלישתים | 14 |
| וכל . הבארות . אשר . חפרו . עבדי . אביו . בימי . אברהם . אביו . סיתמום . פלישתים . וימלאום . עפר | 15 |
| ויואמר . אבימלך . אל . יצחק . לך . מעימנו . כי . עצמת . מימנו . מאוד | 16 |
| וילך . מישם . יצחק . ויחן . בנחל . גרר . וישב . שם | 17 |
| וישב . יצחק . ויחפור . את . בארות . המיים . אשר . חפרו . בימי . אברהם . אביו . ויסתמום . פלישתים . אחרי . מות . אברהם . ויקרא . להן . שמות . כשמות . אשר . קרא . להן . אביו | 18 |
| ויחפרו . עבדי . יצחק . בנחל . וימצאו . שם . באר . מיים . חיים | 19 |
| ויריבו . רועי . גרר . עים . רועי . יצחק . לאמור . לנו . המיים . ויקרא . שם . הבאר . עסק . כי . היתעסקו . עימו | 20 |
| ויחפרו . באר . אחרת . ויריבו . גם . עליה . ויקרא . שמה . סיטנה | 21 |
| ויעתק . מישם . ויחפור . באר . אחרת . ולוא . רבו . עליה . ויקרא . שמה . רחובות . ויואמר . כי . עתה . הירחיב . יהוה . לנו . ופרינו . בארץ | 22 |
| ויעל . מישם . באר . שבע | 23 |
| וירא . אליו . יהוה . בלילה . ההוא . ויואמר . אנוכי . אלוהי . אברהם . אביכה . אל . תירא . כי . איתכה . אנוכי . וברכתיכה . והירביתי . את . זרעכה . בעבור . אברהם . עבדי | 24 |
| ויבן . שם . מיזבח . ויקרא . בשם . יהוה . ויט . שם . אהלו . ויכרו . שם . עבדי . יצחק . באר | 25 |
| ואבימלך . הלך . אליו . מיגרר . ואחוזת . מרעהו . ופיכול . סר . צבאו | 26 |
| ויואמר . אלהם . יצחק . מדוע . באתם . אלי . ואתם . סנאתם . אותי . ותשלחוני . מאיתכם | 27 |
| ויואמרו . ראו . ראינו . כי . היה . יהוה . עימך . ונואמר . תהי . נא . אלה . בינותינו . בינינו . ובינכה . וניכרתה . ברית . עימך | 28 |
| אים . תעסה . עימנו . רעה . כאשר . לוא . נגענוכה . וכאשר . עסינו . עימכה . רק . טוב . ונשלחכה . בשלום . אתה . עתה . ברוך . יהוה | 29 |
| ויעס . להם . מישתה . ויואכלו . וישתו | 30 |
| וישכימו . בבוקר . וישבעו . איש . לאחיו . וישלחם . יצחק . וילכו . מאיתו . בשלום | 31 |
| ויהי . ביום . ההוא . ויבואו . עבדי . יצחק . ויגידו . לו . על . אודות . הבאר . אשר . חפרו . ויואמרו . לו . מצאנו . מיים | 32 |
| ויקרא . אותה . שיבעה . על . כן . שם . העיר . באר . שבע . עד . היום . הזה | 33 |
| ויהי . עסו . בן . ארבעים . שנה . ויקח . אישה . את . יהודית . בת . בארי . החיתי . ואת . בסמת . בת . אילון . החיתי | 34 |
| ותיהיין . מורת . רוח . לייצחק . ולריבקה | 35 |
